Yoga nidra er leidd djúðslökun sem hefur djúpstæð áhrif til heilunar, losar um streitu, bætir svefn, umbreytir neikvæðum hugsanamynstrum og skapar jafnvægi. Nidra þýðir svefn og yoga þýðir eining, þannig þýðir yoga nidra vakandi svefn þar sem meðvitundin er vakandi en líkaminn fær djúpa hvíld og hugurinn hvílir í djúpri kyrrð. Margir hafa notið góðs af því að iðka yoga nidra og iðkunin er sérstaklega áhrifarík til að vinda ofan af streitu og spennu. Yoga nidra er aðgengileg og áhrifarík iðkun, þú liggur undir teppi, lætur fara vel um þig og nýtur leiðsagnar sem leiðir inní djúpa kyrrð og hvíld.

Þú ert velkomin

Þessi 25 mínútna yoga nidra býður alla skynjun velkomna í meðvitund og kærleika. Þannig gefst tækifæri að opna inní stefnumótið við það sem er á skapandi og kærleiksríkan hátt og losa um spennu og streitu.

Ásta Arnardóttir 15.03.2020.

Jafnvægi og næring fyrir orkustöðvarnar

Þessi 30 mínútna yoga nidra nærir og skapar jafnvægi í orkustöðvum líkamans. Djúpnærandi leiðangur um orkusvið líkamans með áherslu á heilun og samkennd í dýpri vitund ljóss og friðar.

Ásta Arnardóttir 02.11.2020

Í faðmi móður jarðar

Þessi 30 mínútna yoga nidra losar um streitu með heilandi tengingu við frumefnin fimm, jörð, vatn, loft, eld og rúm. Hún er tekin upp aðfaranótt 5. apríl 2020 þegar miljónir manna sameinuðust í friðarhugleiðslu fyrir jörðina.

Ásta Arnardóttir 05.04.2020

Tónheilun djúpslökun

Í þessari 30 mínútna tónheilun er í upphafi leitt inní fjórar stoðir núvitundar til að efla meðvitund og kyrra hugann. Tíðni og tónar kristalskálanna skapa jafnvægi í öllu orkusviði líkamans og gefa djúpa og nærandi hvíld.

Upptaka frá hugleiðslukvöldi á vegum “Félags um vipassana hugleiðslu” í Yogavin. Félag um vipassana hugleiðslu býður uppá hugleiðslukvöld í Yogavin alla þriðjudaga kl. 20.00, www.dharma.is

Ásta Arnardóttir 17.03.2020