Listin að kenna

Yogakennaranám 200 tímar

Hefst 8. ágúst, 6 dagar Skálholtsbúðir, 6 helgar Yogavin, 4 dagar kyrrðarvaka Eirð, útskrift 1. mars

200 tíma yoga kennaranám sem miðast við 200 tíma kröfu Yoga Allience. Námið er viðurkennt af Jógakennarafélagi Íslands og veitir aðild að JKFÍ og alþjóðleg yogakennararéttindi.

Yogakennaranámið er fyrir alla, hvort sem þú vilt dýpka iðkun og þekkingu eða kenna yoga.

Yogaleiðangurinn er ævintýralegur leiðangur sjálfsþekkingar þar sem við mætum til leiks í kærleika og sjálfsmildi. Leiðin liggur í gegnum líkamann heim í hjartað þar sem töframáttur býr.

Ásta Arnardóttir hefur kennt og þróað námið frá 2010 og útskrifað á annað hundarð yogakennara. Kolbrún Björnsdóttir og Rakel Dögg Sigurgeirsdóttir kenna anatomiu.

Kærleikur er ekki bara tilfinning. Kærleikur er sannleikur náttúrunnar.

Skoða nánar

Yin yoga & núvitund 60 tímar

Yin yoga og núvitund 60 tíma kennaranám hefst 11. október 2025

Námið hefst á kyrrðarvöku í Yogavin “Heilandi máttur hvíldar” Kyrrðarhelgin dýpkar iðkun núvitundar í þögn undir leiðsögn kennara. Einstakt tækifæri til að kyrra hugann og njóta iðkunar á hjartnæman hátt. Frætt um rætur núvitundar í buddha dharma, rætur sjálfsvinsemdar í metta, rætur yin og yang fræðanna. Kennd grunntæknin í yin yoga, núvitund og metta hugleiðslu, Heilnæm helgi sem gefur djúpa hvíld og endurheimt lifsorku.

Kennsluhelgar fara svo fram aðra hverja helgi þrjár helgar eftir kyrrðarvökuna. Útskrift 23. nóvember.

Yin yoga & núvitund er áhrifarík leið til að efla meðvitund, opna fyrir orkuflæði líkamans og skapa jafnvægi.

Ásta Arnardóttir kennir, hún hefur víðtæka reynslu af iðkun og kennslu yin yoga og núvitundar. Hún er stofnfélagi Félags um vipassana hugleiðslu og hefur kennt kyrrðarvökur á vegum félagsins frá 2011. Hún hefur djúpa reynslu af iðkun núvitundar, setið margar kyrrðarvökur m.a. 3 mánaða silent retreat á IMS 2014. Ásta stundaði nám í yin yoga hjá Sarah Powers 2013.

Skoða nánar

Hvað segja nemendur

“Yogakennaranámið er úthugsað náttúrulegt flæði frá fyrstu mínútu til þeirrar síðustu. Frá upphafi er fræjum þekkingar sáð með fjölbreyttum hætti; yogaæfingum, hugleiðslu, dansi, möntrusöng, seva, fyrirlestrum, námsefni, dagbókarfærslum, verkefnaskilum, hugleiðingum, ást og umhyggju. Smátt og smátt opnast þekkingin ljóslifandi fyrir nemendunum og fjölbreyttir, ólíkir yogakennarar springa út. Að vera með kennara á heimsmælikvarða sem fer í gegnum verkefnið með djúpstæðri ást og virðingu að leiðarljósi – það virkar einfaldlega einstalega vel.”

Ingibjörg Valgeirsdóttir yogakennari, framkvæmdarstóri og stofnandi Saga Story House
“Yogakennaranámið í Yogavin fór langt fram úr mínum væntingum og vonum. Að byrja leiðangurinn á 10 dögum í Skálholti var einstakt. Öll anatómísk fræðsla var virkilega faglega sett upp þar sem mikl fræðsla komst til skila á áhrifaríkan hátt. Eins var persónulegi leiðangurinn mun dýpri en ég átti von á fyrir námið sem er virkilega stór gjöf. Ég er þakklát fyrir alla þá kennara sem komu að náminu og studdu við iðkun/fræðslu á einn eða annan hátt og finn hversu stórt hlutverk hver og einn kennari spilar. Sérstaklega er ég þakklát fyrir Ástu sem hélt um námið á magnaðan hátt og mín upplifun af Ástu er bæði áræðni og kærleikur í fyrirrúmi sem mér þykir frábær blanda. Takk fyrir mig og allar gjafirnar í þessum leiðangri ”

Inga Birna Ársælsdóttir, yogakennari, ÍAK Einka- og Styrktarþjálfari, með svart belti í BJJ
“Metnaðurinn skín í gegn hjá Ástu og hvernig hún eys úr viskubrunni sínum með einlægni og í auðmýkt er ólýsanlegt. Námið er byggt upp eins og ævintýraferð þar sem að öll púslinn finna sinn stað á svo magnaðan hátt. Þú færð hlaðborð að þekkingu og þjálfun. Námið er mjög hnitmiðað og vel skipulagt. Ég stend uppi með verkfæri í kistunni sem ég mun hlúa að um ókomna tíð. Farið er inn á hugleiðslur, öndun, stoðkerfi, vöðva, líffæri, asana stöður, kynnst yogafræðunum frá upphafi og svo má lengi telja. Allt unnið með greinandi huga og sjálfsþekkingu að leiðarljósi.”

Svava Björk Hjaltalín yogakennari, markþjálfari og arkitekt
"Ég mæli svo með yogakennaranáminu hjá Yogavin. Þetta ferðalag var lærdómsríkt, krefjandi, hvetjandi, slakandi, liðkandi, skemmtilegt, djúpt, vekjandi, hreinsandi, kærleiksríkt, andlegt og gefandi. Þetta er ein besta gjöf sem ég hef gefið sjálfri mér og vonandi gjöf sem heldur áfram að gefa. Hlutverk yogaleiðbeinandans í þessu ferli var ómetanlegt. Kærleikurinn, stuðningurinn, húmorinn, seiglan og fagmennskan sem Ásta Arnardóttir býr yfir gera þetta ferðalag algjörlega einstakt. Hún ber yogafræðunum gott vitni og ég ber ómælda virðingu fyrir því sem hún hefur byggt upp í yogasamfélaginu á Íslandi."

Anna Lóa Ólafsdóttir ráðgjafi, yogakennari, pistlahöfundur m.a. með Hamingjuhornið
,,Einhver sú albesta og mikilvægasta ákvörðun sem ég hef tekið var að skrá mig til leiks hjá Ástu í Yogakennaranámið! Þessir 9 mánuðir sem námið stóð yfir voru gríðarlega lærdómsríkir og gefandi. Verð Ástu ævarandi þakklátur fyrir allt sem hún hefur gefið mér, algjörlega frábært nám frá a-ö."

Þorgils Magnússon yogakennari og smiður
"Yogakennaranámið hjá Ástu var ómetanleg reynsla og án efa dýrmætasta námið sem ég hef farið í. Mitt helsta markmið var að læra að hlusta inn á við og fylgja hjartanu og áhrifin hafa ekki látið á sér standa. Námið býður upp á ferðalag sem hefur haft mikil og góð áhrif á mitt líf – heilbrigður líkami, heilbrigðar tilfinningar og heilbrigður hugur. Ég er þakklát fyrir það sem mér hefur verið gefið, og ég mun gefa áfram".

Áróra Helgadóttir yogakennari, leiðbeinandi i´ Shamanic Breathwork, heilbrigðisverkfræðingur
"Yogakennaranámið hjá Ástu er eitt af þeim áhrifaríkustu og bestu skrefum sem ég hef tekið í lífi mínu. Mér fannst námið einstaklega vel upp byggt og innihaldsríkt. Yogavísindin eru stórmerkileg og þau hjálpuðu mér að skilja margt í sambandi við sjálfa mig og ná sáttum við lífið á margan hátt. Auk þess hefur Ásta sem reyndur kennari einstaka hæfileika í að miðla þessum ævafornu vísindum með því að skapa nærandi umhverfi og veita góðan stuðning fyrir nemendur. Ég verð ævinlega þakklát fyrir að hafa stigið þetta skref."

Andrea Elín Vilhjálmsdóttir yogakennari og sviðslistamaður.
"Mér finnst yogakennaranámið algjörlega frábærlega byggt upp frá upphafi til enda. Allir hlutar þess flæða vel saman þ.e. uppröðun námsins er einstaklega rökrétt. Námið er byggt upp með jákvæðni og umhyggju að leiðarljósi. Það er ekki mínúta sem er óþörf. Byrjunin í Skálholti er lykillinn að mánuðunum sem á eftir koma. Ég er ótrúlega ánægð að hafa valið að fara til Ástu í yogakennaranám hvort sem ég fer að kenna yoga eða ekki þá er ég betri manneskja eftir námið". .

Hrafnhildur Sævarsdóttir yogakennari, íþrótta- og sundkennari Sjálandsskóla
Ásta hefur kennt yogakennasanám frá árinu 2010 og útskeifað hátt á annað hundrað kennara
Smelltu hér til að sjá fleiri umsagnir um yogakennaranámið