Þakkargjörð með kakó, dansi og tónheilun.

Við hefjum stundina á þakkarhring með ljúffengum hjartaopnandi kakóbolla.

Dansað !!!!!!!! Kraftmikið, djúsí, hreinsandi, orkugefandi, alltumvefjandi, upplyftandi, flæðandi, peppandi, sálartengjandi tónaflóð með DJ Magga Stína svo búast má við þokkalegri útrás á dansgóflinu ! Dönsum út árið þökkum, blessum, tryllum og tjúttum.

Tónheilun og slökun með alkemiskum skálum og gong.

Ljúfar möntrur í lokin.

Gott að skrá sig til að við getum áætlað fjölda kakóbolla

Ásta Arnardóttir leiðir kakóhringinn og tónheilun. Hún hefur kennt yoga frá 1999 og stofnaði Yogavin 2014. Hún er með bakgrunn í leiklist og hefur haldið fjölbreytt námskeið í yoga, leiklist, spuna, dansi og skapandi lífstíl síðastliðin 35 ár. Ásta hefur kennt yogakennaranám frá 2010 og útskrifað hátt á annað hundrað yogakennara. Hún er stofnfélagi í Félagi um vipassana hugleiðslu 2011 og hefur leitt kyrrðarvökur á vegum félagsins frá stofnun þess. Sjá nánar um Ástu

Magga Stína er DJ kvöldsins og tendrar dansAndann. Hún hefur lagt stund á tónlist frá unga aldri, allt frá fiðlunámi í æsku í Barnamúsíkskólanum í Reykjavík til tónsmíða á fullorðinsárum. Magga Stína er ein af okkar ástsælustu söngkonum, túlkar eins og henni er einni lagið bæði sína eigin tónlist og annarra ýmist með einleikurum sem og fjöldanum öllum af hljómsveitum og hefur hún í gegnum tíðina fengist við tónlistina frá ótal hliðum. Risaeðluna, Polkahljómsveitina Hringi, fönkhljómsveitina Funkstrasse eða hið sígilda verkefni “Magga Stína syngur Megas” og mætti ótal fleiri þeirra nefna. Hún hefur um árabil sungið í leikhúsum, brúðkaupum, jarðaförum og afmælisveislum og sent frá sér sólóplötur, samið tónlist fyrir tónlistarhópa, kvikmyndir og leikhús. Hún hefur einnig getið sér gott orð sem plötusnúður.